Gazetari Klodian Tomorri, e ka cilësuar qesharak reagimin e Dhomës Amerikane të tregtisë, e cila përshëndeste dënimin e ish-Ministrit të Brendshëm Saimir Tahiri.
Në reagimin e tij në Facebook, Tomorri shkruan se është për tu habitur dhe e pakuptimtë kur sheh se si një Dhomë Tregtie e cila nuk ka thënë asnjë gjysëm fjale kur qeveria me ligje instalon kurruprionin në treg, reagon për dënimin e një ish-ministri.
Postimi i plotë i Tomorrit:
Komedi epike
Po shikoja rastesisht nje nga kanalet informative sot, kur del tabela lajm i fundit. Po prisja te shihja c’kishte ngjare. Lajm i fundit: Presidenti i Dhomes Amerikane te Tregtise reagon per denimin e Saimir Tahirit.
Nisa te pyes veten; c’lidhje ka nje shoqate biznesi me denimin e ish ministrit te brendshem? C’pune kane dhomat e tregtise qe te reagojne per kete pune. Aty fillova te mendoj. Po sikur per denimin e Saimir Tahirit te reagoje edhe ky i kioskes qe shet paketa ketu tek lagja ime.
Ky eshte nje vend ku sharlatanizmi ka hedhur rrenje te thella. Shoqatat e biznesit ketu, te gjitha pa perjashtim, nuk kane thene gjysme fjale kur qeveria jep PPP korruptive qe ngarkojne kosto mbi qytetaret dhe biznesin. Nuk kane thene gjysme fjale, kur qeveria propozon dhe maxhoranca e saj ne Kuvend miraton ligje ad personam, te cilat instalojne monopole korruptive dhe shkaterrojne konkurrencen ne treg.
Me tej akoma, keto jane shoqatat e vetem te biznesit ne bote, qe nuk u ben pershtypje cmimi i naftes 2 dollare. Apo qe nuk thone nje fjale kur u dyfishohet cmimi i energjise brenda dite. Shikoni cfare po ndodh ne Angli dhe Itali me komunitetin e biznesit per energjine. Por jo. Shoqatat tona te biznesit bejne deklarata zyrtare per denimin e nje narkotrafikanti. Komedi. Hyjnore madje.
E verteta eshte se shoqatat e biznesit ketu jane organizma me te korruptuar edhe se vete partite politike. Kane sistem kryetarokracie me te rende dhe me abuzive.
Shikoni ligjet e taksave. Behen rregullime qe kenaqin interesat personale te drejtuesve te dhomave dhe u rrasin kosto gjithe bizneseve te tjera. Para nje muaji ishte rasti i fundit.
Reagoni per tenderat qe paracaktohen, reagoni. Reagoni kur ne Parlament hiqet taksa vetem per nje biznes. Reagoni per rryshfetet qe kerkohen neper tendera. Dhe mos beni sikur nuk e dini. Se e dini shume mire sa paguhet dhe ku paguhet rryshfeti. Ndoshta u k rene rasti te paguani dhe vete madje. Pasi te keni bere keto, merruni dhe me politike po deshet. Qesharake.
