Erling Haaland nuk është mv në planet e Real Madrid. Galaktikët duket se kanë bërë zgjedhjen e tyre me Kylian Mbappe, i cili duket se sezonin e ardhshëm do të luajë në “Santiago Bernabeu”.
Sulmuesi norvegjez kërkohej nga madrilenët, të cilët pasi kanë marrë garanci nga Mbappe duket se kanë hequr dorë nga Haaland.
Dhe tërheqja e Real Madrid i ka hapur rrugën 4 ekipeve të Premier League, që duket se janë në garë për të marrë shërbimet e Haaland.
Manchester United, Manchester City, Chelsea dhe Liverpool do të tentojnë të marrin 21-vjeçarin norvegjez, i cili aktivizohet me Dortmund, por është drejt largimit.
