Ish-kryebashkiaku i Vlorës Shpëtim Gjika i ka dalë në mbrojtje ish-ministrit të Brendshëm Saimir Tahiri, i cili u dënua me 3 vite e 4 muaj burg nga Apeli i GJKKO për shpërdorim detyre.
Gjika, në reagimin e tij, thekson se shpresonte që Tahiri të shpallej i pafajshëm dhe se të takoheshin nga afër.
Ai e inkurajon Tahirin që të kalojë edhe këtë sprovë.
Në një postim në rrjetet sociale, Gjika shkruan:
I dashur Saimir!
Edhe pse sot, duke e njohur mirë karakterin tënd në ditë dhe kohë të vështira, kisha shpresë dhe besim se e drejta jote do triumfonte, prisja të të takoja dhe të të përqafoja nga afër, unë prapë do të të pres vëlla!
Ti je i fortë!
Sprovat të bëjnë edhe më të fortë!
Kurajo dhe durim miku im i shtrenjtë!
