Ende pa u mbushur një vit nga shpërthimi i pusit në Patos-Marinëz, pasojat jaë të dukshme. Në oborret e banesave që ndodhen pranë pusit që shpërtheu kanë filluar që të hapen gropa thithëse.
Banorët shprehen të frikësuar pasi një ditë këto gropa septike mund të “zhdukin” edhe banesat e tyre.
Tashmë që po afrohet dhe stina e nxehtë e verës, lagështira e nëntokës ikën dhe toka do fillojë të shëmbet e për pasojë mund të shëmben edhe banesat e tyre.
Banorët shtojnë gjithashtu se kanë mbetur pa ujë të pijshëm ndërkohë që ujin për të larë për të larë enët, teshat apo për punë të ndryshme e mbushin në çesma apo burime.
Çdo familje ka pus por uji është i ndotur dhe nuk shërben as për të pirë dhe as për të larë.
Situata sa vjen dhe bëhet më e rëndë për banorët e Marinzës që jetojnë në zonën kryesore që u përcaktua nga specialistët e naftës pas shpërthimit të pusit në Marinzë në 1 prill të një viti më parë.
Edhe pse ata janë ankuar dhe vazhdojnë të ankohen ende nuk po marrin zgjidhjen e duhur.
