Një dokument është gjendur dhe është publikuar nga “Sky News”, ku flitet për 123 anëtarë të ISIS, 25 prej të cilëve janë belg. Ata janë dërguar në Europë për të ndërmarrë sulme kamikaze. ISIS ka krijuar një “brigadë vetëvrasësish”, të cilët kanë për detyrë të kryejnë sulme dhe të përhapin panik në të gjithë Europën.
Disa prej anëtarëve të ISIS janë të prangosur, disa janë të vrarë nga përleshjet me policinë, por ka ende të gjallë të gatshëm për të sulmuar. Nga ky dokument shfaqen të gjithë vullnetarët të cilët janë nga Franca, Gjermania, Tunizia, Egjipti dhe Spanja. Ata janë të gatshëm për të sulmuar dhe për t’u vetësakrifikuar. Vetëm një ditë më parë Brukseli u përgjak nga disa sulme terroriste ku 31 njerëz të pafajshëm gjetën vdekjen dhe 250 të tjerë u plagosën.
