Einxhel Shkira dhe Donald Veshaj kanë pasur një debat shumë të fortë ku treguan detaje nga sherri që kanë pasur me njëri-tjetrin jashtë shtëpisë së “Big Brother VIP”.
Moderatorja dhe aktori kanë punuar bashkë për një projekt dhe duket se gjërat mes tyre nuk kanë shkuar aspak mirë. Einxhel e akuzoi Donaldin dhe të vëllain e tij, Romeon, se e kanë hequr nga puna padrejtësisht e madje shtoi se nuk i ka dhënë lekët.
Donaldi e mohoi dhe ka përmendur emrin e Genard Hajdinit që ka punuar me të dhe madje e ka ndihmuar se kishte vështirësi ekonomike.
“Genard Hajdinin e mora në emision për ta ndihmuar. Në emisione të tjera e merrnin për ta tallur e bullizuar. E ndihmova sepse mora vesh që ai kishte kredi për të paguar. Vitin tjetër i mora dhe motrën në emision. Jam njeri që gjithmonë i kam ndihmuar njerëzit”.
Ndërkohë, pjesë e D-Night, Genardi u pyet nga drejtuesja e emisionit për këtë gjë dhe ai tha se nuk është e vërtetë dhe i vetmi person që e ndihmon për këtë pjesë është babai i tij.
Dajana: Genard më kanë dërguar një mesazh (se ç’është e vërteta nuk e kam parë) se me atë që ka thënë Donaldi në Big Brother, të ka ndihmuar me kredinë e shtëpisë dhe ka bërë bamirësi me ty?
Genardi: Jo, jo nuk ka qenë ashtu.
Dajana: Epo, publiku do një sqarim, sigurisht duke e përshëndetur Donaldin patjetër. Pra, është e vërtetë?
Genardi: E vërteta është kështu. Ata erdhën tre herë për të më takuar në atë kohë, pra Romeo bashkë me regjisorin për t’u futur në projektin e tyre që ishte “Binjakët”. Ata më thansë se jam një person shumë i kërkuar në Instagram dhe dëshirojmë që të bashkëpunosh me ne. Kur bënim bisedimet e rrogës, unë kërkova një rrogë më të lartë kuptohet dhe ata pastaj më dhanë një rrogë mesatare ose minimale do të thoja sepse morën në punë edhe Sonidën në sezoni e dytë dhe ata na ndihmuan me rrogë, pra thjesht kam punuar dhe kam marrë rrogë. Jo se më kanë ndihmuar me kredinë e shtëpisë, sepse ajo është akoma pa paguar dhe do edhe 15 vite të tjera dhe po më ndihmon babai për ta paguar atë!
