Policia e Tiranës njoftoi këtë të Martë arrestimin e një 53-vjeçari të cilin e kapi me produkte të ndryshme kozmetike dhe detergjentë më etiketa dhe ambalazhe që dyshohet se i ka falsifikuar.
Arrestimi i tij erdhi në kuadër të operacionit policor të koduar “Përsëritësi”.
Në një njoftim për mediat, policia tha se gjatë kontrollit të ushtruar në banesën e tij, u zbulua depozita me lëng për prodhim detergjentësh, etiketa, ambalazhe dhe stampa të këtyre produkteve, të cilat prodhoheshin në mënyrë artizanale në këtë banesë.
