Banorët e zonës së “5 Majit” dhe ata të Laprakës kanë dalë sërish në protestë pasditen e sotme. Ata janë mbledhur në zonën e “Medresesë” në Tiranë ndërsa janë përplasur edhe me forcat e policisë që sipas tyre nuk kishin marrë masa edhe pse ishin njoftuar për protestën.
Nik Sokoli, protestuesi 97 vjeçar, mendon se është më mirë ti pushkatojnë se të ju prishin shtëpitë.
“Ky ka shtet demokratik, ka edhe protesta. Ne nuk kemi ndeshje me Policinë. Ndoshta u thotë Edi Rama pushkatojeni popullin, por nuk duhet. Më mirë të na pushkatojnë e të vdesim, sesa të na prishin shtëpitë e të mos na japin paratë. Rruga të bëhet, por edhe të na japin paratë”,- shprehet ai.
