Kryeministri Edi Rama iu përgjigj sot akuzave të deputetëve të PD lidhur me udhëtimet e luksit.
Rama përmes një video të postuar në rrjetet sociale shprehet se logjika e akuzave ndaj tij është e njëjtë me atë që u përdor në Kuvendin e 18 dhjetorit 2021, ku në 1958 ulëse u ulën 5004 delegatë.
Rama shprehet se nuk ka kryer udhëtime luksi, përkundrazi ka fluturuar në klasin ekonomik të kompanive ajrore. Kryeministri shprehet se udhëtimet e tij private nuk i bën kurrë me paratë e buxhetit të shtetit. Rama shprehet se mesatarja e shpenzimeve të tij për udhëtimet është më e ulët se mesatarja e paraardhësve të tij në postin e Kryeministrit.
