Pak ditë më parë në Antëerp të Belgjikës u vra 39-vjeçari Bledar Muça, i njohur për lidhjet me Ardjan dhe Florenc Çapjat.
Muça maskohej si britanik në Belgjikë, pasi përdorte dokumente të falsifikuara. Mirëpo ekzekutimi i tij ka shkaktuar kaos dhe panik në vend, pasi autoritetet ngrejnë alarmin se priten krime të tjera.
Ata shtojnë se nga tregtia e paligjshme e drogës grumbullohen miliarda të ardhura që shkojnë në xhepat e politikanëve vendas.
Vrasja e Bledar Muçës, pritet të sjellë pikërisht rritjen e krimeve që lidhen me drogën në Antëerp, në portin ku “mbretërit” e kokainës e trafikojnë atë.
Zyrtarët e portit janë në vijën e parë të luftës kundër trafikut të drogës dhe në shënjestër të kriminelëve. Trafikantët e drogës përdorin zhvatjen, ryshfetin dhe kërcënime me dhunë, ndërsa politikanët përkrahin bosët e mëdhenj të drogës.
Vitin e kaluar rreth 90 tonë kokainë u sekuestrua në këtë port, vlera e së cilës shkonte rreth 13 miliardë euro, por pavarësisht kësaj sasie, miliarda euro shkojnë në nivele të larta të funksionarëve publikë. Në lidhje me këtë situatë ka folur edhe kryebashkiaku i Antëerp-it.
Ai tha për The Telegraph:
Mund të ndodhë që jeni në pritje të dikujt apo në një ndeshje sportive, duhet të kuptoni se mund t’ju ndodhë shpesh që të jeni pranë një krimineli apo trafikanti droge. Si çdo kapitalist, edhe ata janë shtuar. Tani nuk bën dot dallimin midis kriminelëve dhe sipërmarrësve legjitimë, ndërsa biznesmenët mbulohen me nga trafiku i kokainës.
