Pas një maratone votimesh, Sergio Mattarella është rizgjedhur president i Italisë. Mattarella mori më shumë se 505 vota në favor të tij, duke kaluar kështu edhe numrin që nevojitej për kuorum.
Tejkalimi i 505 votave për kuorum u përshëndet me një duartrokitje, sipas raportimit të mediave në vend.
“Kisha planet të tjera, por e respektoj Parlamentin”, tha presidenti duke konfirmuar “po-në” e tij pas marrëveshjes së arritur me mazhorancën për rikandidim.
Betimi është caktuar për në 3 shkurt.
