Aktivistë të shoqërisë civile kanë publikuar disa foto ku duket qartë se disa betoniere që shkojnë e vijnë, po betonizojnë gjelbërimin e Parkut të Liqenit prej një jave.
Nëpërmjet këtyre fotove mund të shihni se sa beton po i hidhet Parkut të Liqenit nga firma ndërtuese e këndit të lojrave të Bashkisë së Tiranës.
Pothuajse ka një javë që 3-4 makineri përpunimi betoni zbrazin përditë në themelet e këndit të lojrave, materialin që ka ngjallur reagimin e ashpër të aktivistëve të shoqërisë civile. Pavarësisht protestave e rezistencës natë-ditë të grupimeve të ndryshme që duan mos priten pemët e mos hidhet beton, Bashkia e Tiranës vazhdon pa problem misionin e saj për të ndërtuar brenda afatit këndin e lojrave.
