Kryebashkiaku i Tiranës, Erion Veliaj, refuzon komisionin e Ligjeve për seancë dëgjimore lidhur me shembjet në zonën e “5 Majit”në Tiranë.
Interpelanca, e cila duhej të fillonte në orën 14:00, ishte thirrur nga opozita.
Ndërkohë janë paraqitur Avokati i Popullit dhe kreu i Policisë së Shtetit, Gledis Nano.
Nga Bashkia, përveç Veliajt, opozita kishte thirrur dhe kreun e IMT.
Deputetët e PD-së kërkuan gjithashtu paraqitjen nga institucionet të dokumentacionit të plotë mbi projektin dhe veprimtarinë e institucioneve mbi pronën e qytetarëve.
