Deputeti demokrat, Edmond Spaho, është drejtuar sot ndaj deputetit socialist, Taulant Balla, i cili në fjalimin e mbajtur në Kuvend sulmoi ish kryeministrin, Sali Berisha duke e quajtur “ish-deputet”.
Spaho e konsideroi fjalimin e Ballës si një mbështetje haptazi ndaj Bashës dhe tha se ishte diçka e mirë që e shfaqnin mbrojtjen e tyre në publik sepse tregonin se ishin të lidhur si mishi me thoin.
“Zoti Balla bëni shumë mirë që flisni në emër të Lulit kur ai nuk është në këtë sallë. Sepse ai ka nevojë që ta mbështesni sepse pa ju nuk ja del dot. Pavarësisht finteve që bën në fund fjalimin e kishe të gjithë në emër të tij dhe kështu vazhdoni ta mbështesni që ta shikojnë fare mirë shqiptarët se jeni të lidhur me njëri-tjetrin si mishi me thoin”, tha Spaho.
