Elisa Spiropali nuk u kursye në hedhjen e romuzeve ndaj Lulzim Bashës, gjatë fjalës së mbajtur këtë të Enjte nga foltorja e Kuvendit.
Spiropali kujtoi dokumentin nga gjykata e Tiranës e dorëzuar nga përfaqësuesit e Bashës në KQZ, për të provuar se ai është kryetar i Partisë Demokratike.
“Kryetar i PD i vërtetuar nga gjykata me një vulë, urime”, ironizoi Spiropali.
Më tej, shtoi se “kryetari me pullë, po mbetet tek pull”.
Ajo tha më tej se Basha është fajtor që PD humbi zgjedhjet e fundit parlamentare.
“Zgjedhjet e 25 prillit ishin humbja nga paaftësia juaj për të bërë bashkë demokratët për të pasur një alternativë”, iu drejtua Spiropali-Bashës.
