Kuvendi i Shqipërisë do të mblidhet sot në seancë plenare për për të diskutuar dhe miratuar disa projektligje. Në rendin e ditës janë projektligje si ai për noterët apo për regjistrimin e pronave apo profesionin.
Ndërkohë, jashtë sallës së Kuvendit është paralajmëruar një protestë. Bëhet fjalë për banorët e “5 Majit” të cilëve pak ditë më parë u janë prishur banesat.
Protesta pritet të mbahet sot në orën 09.30, pak para nisjes së seancës parlamentare. Banorët e 5 Majit kanë kërkuar nga Qeveria dhe institucionet transparencë lidhur me projektin e rindërtimit, ndërsa javën e kaluar disa qindra forca policore mësynë në zonë duke nxjerrë dhunshëm banorët nga banesat, të cilat më pas u rrafshuan nga fadromat e Bashkisë së Erion Veliajt.
Nuk dihet nëse Kryeministri Edi Rama do të tentojë të negociojë me banorët e 5 Majit, ashtu sikundër ka bërë më parë me përfaqësues në protestat e mëparshme, apo ndaj banorëve të zonës periferike të Tiranës, do të përdoret dhuna dhe forca.
