Erion Veliaj hodhi sërish akuza këtë të Martë ndaj Armand Dukës, duke folur për një bandë që ka kapur FSHF-në.
Në një intervistë për News 24, Veliaj u ndal dhe te tritoli që një ditë më parë iu vu banesës së kreut të FSHF-së.
“Ai është kundërshtari im dhe jo armiku im. I kam bërë thirrje prokurorisë, policisë, pashë pamjet, kjo është punë e ekspertëve. Askush nuk duhet të kalojë situata të tilla. Të dy jemi shqiptarë, e kemi bindje të ndryshme. Unë kam bindje për të hapur sportin ai për ta mbyllur. Në fund të ditës këto bindje të ndryshme s’na bëjnë armiq, por kundërshtarë. Unë i uroj jetë dhe shëndet dhe policia duhet përgëzuar që kishte bërë publike pamjet”, tha Veliaj.
