Krenar Alimehmeti është zgjedhur kryetari të shoqatës së Futbollit Tiranë, në zgjedhjet që u mbajtën pasditen e sotme në ambientet e FSHF.
Alimehmeti mundi në garë kanditatin tjetër, Eduard Prodanin, për të cilin në lojë hyri dhe kryebashkiku i Tiranës, Erjon Veliaj.
Janë 44 vota pro për Alimehmetin, një nga futbollistët më të njohur të Tiranës që e bënë fitues në këtë garë kundrejt 2 votave kundër.
Që në fillim të mbledhjes, kandidati tjetër, Eduard Prodani ka kontestuar praninë e 67 delegatëve me të drejtë vote, kundrejt 41 që ishin planifikuar në fillim. Ai dhe një pjesë e mbështetësve të tij janë larguar nga salla duke mos njohur këtë proces.
