Dy banesa janë djegur në Mat këtë të Hënë. Për pasojë ka mbetur i lënduar një i moshuar, i cili raportohet se ndodhet jashtë rrezikut për jetën.
Policia njoftoi se, “në fshatin Vinjoll-Mat është djegur banesa e shtetasit M.Z., 80 vjeç dhe si pasojë ka mbetur i lënduar lehtë 80-vjeçari i cili po merr ndihmë mjekësore në spitalin e Burrelit, jashtë rrezikut për jetën. Gjithashtu si pasojë e flakëve është djegur dhe banesa e shtetases Z.Z., 81 vjeçe, e cila ishte ngjitur me banesën e 80-vjeçarit”.
Nga veprimet e kryera nga grupi hetimor dyshohet se zjarri ka rënë si pasojë e amortizimit të rrjetit elektrik, shtuan të njëjtat burime.
Materialet u referuan në Prokurorinë pranë Gjykatës së Shkallës së Parë Mat, për vlerësim, mbyllet njoftimi i bluve.
