Ministria e Shëndetësisë në Kosovë njoftoi këtë të Premte se janë regjistruar 2,943 raste të reja me koronavirus, nga 11,563 testime.
Në 24 orët e fundit është regjistruar një viktimë.
Autoritetet shëndetësore kanë njoftuar se 317 persona janë shëruar, ndërsa 12,396 janë ende aktivë me koronavirus.
Sa i përket vaksinimit, autoritetet kanë administruar edhe 4,467 doza të reja të vaksinës kundër koronavirusit. Deri më tani, me dy doza të vaksinës janë imunizuar 799,939 persona apo rreth 44 për qind. Prej atëherë janë dhënë mbi 1.7 milion doza të vaksinës.
