Policia greke ka arrestuar një prift 37-vjeçar në Athinë pasi akuzohet se ka abuzuar seksualisht me një të mitur.
Protothema.gr raporton se prifti, babai i dy fëmijëve, shërbente në një kishë në lagjen Kato Patisia të Athinës.
Përdhunimi ka ndodhur dy vjet më parë, kur ajo ishte 15 vjeçe, por vajza e frikësuar i ka treguar vetëm tani prindërve, të cilët më pas kanë shkuar për të bërë denoncimin në polici.
Policia bën me dije se prifti ortodoks ka shfrytëzuar shkollën e Katekizmit për të qendruar pranë vajzës duke e abuzuar seksualisht brenda ambienteve të kishës.
