Skënderbeu do të përballet të dielën me Kukësin në ndeshjen e javës së 17-të të Superiores, në stadiumin e “Loro Boriçi” ora 16:45.
Për këtë ndeshje trajneri Migen Memelli është bërë me “dhimbje koke”, kjo vjen për shkak të mungesave që tekniku i korçarëve ka për përballjen e ditës së diel.
3 futbollistë janë të dëmtuar, teknikut Memelli dhe stafit do iu duhet të vlerësojë gjendjen e tyre. Bëhet fjalë për Vitijën, Berishën dhe Uerdi Marën. Berisha duket më afër rikthimit, sakaq dëmtimi në kavilje i Vitijës bën që mungesa e tij të jetë 100 përqind e sigurt ndaj kuksianëve.
Sa i përket 22 vjeçarit Mara, nuk mund të thuhet asgjë për momentin, pasi dhimbjet e forta në muskujt e barkut mund t’i përsëriten (la fushën e lojës ndaj Laçit për këtë motiv).
Skënderbeu renditet në vendin e tetë të renditjes. Korçarët pas 16 ndeshjesh kanë 16 pikë dhe synojnë që të largohen sa më shpejt të jetë e mundur nga zona e kuqe.
