Tedi Blushi, zëdhënësi i Presidentit Ilir Meta, ka reaguar pas akuzave të Gazment Bardhit për kreun e shtetit.
Më herët gjatë ditës, Presidenti Ilir Meta u takua me kryetarin e grupit parlamentar të PS-së Taulant Balla, lidhur me zgjedhjet e pjesshme lokale. Në një prononcim për gazetarët, Meta tha se e thirri në takim Ballën pasi ka pasur shqetësim mos shumica bojkotonte zgjedhjet. Kreu i shtetit u shpreh po ashtu se nuk ka arsye pse të takohet edhe me përfaqësues të opozitës.
Pas deklaratave reagoi Gazment Bardhi përmes një postimi në rrjetet sociale. “Asnjë habi nga qëndrimi i sotëm i Ilir Metës! Konsultimet mes trekëndëshit të Bermudës ndodhin çdo ditë, para dhe pas kamerave. Sot ishte teatri i rradhës para kamerave”, shkroi Bardhi.
Në përgjigje të reagimit, Tedi Blushi shkroi në FB: Ç’na polli belaja me këtë! Ai ka të drejtë të takohet fshehurazi me kryetarin e shumicës në Kuvend, ndërsa ne nuk duhet ta takojmë ditën dhe me kamera. Çudi e madhe!
