Deputeti i Partisë Demokratike, Enkelejd Alibeaj, i ka bërë thirrje Avokatit të Popullit, që të monitorojë situatën që është krijuar në lagjen 5 Maji në Tiranë, atje ku policia ka ndërhyrë dhunshëm, duke nxjerrë banorët nga shtëpitë e tyre, që do të shemben për ti hapur rrugën një plani rindërtimi.
“Do të doja të sillja në vëmendje ngjarjen qe po zhvillohet te “5 maj”. Është në detyrimin e këtij komisioni të monitorojë sjelljen e shtetit, i bëjmë thirrje edhe avokatit të popullit të jetë pranë banoreve për të kuptuar situatën”, tha Alibeaj në mbledhjen e Komisionit të Ligjeve.
Ndërsa deputetja socialiste Klotilda Bushka tha se “ne kemi në varësi komisionin për të drejtat e njeriut por nuk mund te dalim me verdikt”.
“Na duhet informacion në lidhje me këtë çështje, do bëjmë një kërkesë për informacion në organet përkatëse për të marrë informacion sapo të mbaroj kjo mbledhje”, tha ajo.
