Tensione të shumta janë krijuar në zonën e 5 majit në Tiranë, atje ku policia bashkiake dhe e rendit kanë rrethuar zonën dhe pritet shembja e ndërtimeve.
“Kjo qeveri kriminale me në krye Ramën e Erion Veliaj.
Zemra më plastë e jetën mos e gëzofshin, ky është shtet hajdut e trathtar. Ky shtet të vret natën”, shprehet një prej banoreve, banesa e së cilës do të shembet.
Në vijim ajo tregon se banesa është ndërtuar me djersën e djemve të saj që kanë punuar gjithë jetën.
“Po më ndalet fryma. E mjera Shqipëri kë ka në krye, rroft Turqia e Serbia. Turp, turp, turp!
Në botë nuk ka ndodh te ne, ça bëhet kështu? Të më kapin zvarrë mua. I kam regjistruar dhe pse jam e moshuar. Dua rrobat që do vesh edhe kur të vdes, i kam lënë brenda..
Pa ta pi kafen, o Erion Veliaj nuk e lej. Vetëm po më vrave, je tu m’cenu nënën, motrën, jetën. Mbaje mend o Erion! Nuk mbrohesh dot gjithmonë me policë, do kesh luftë deri në fund”, shprehet e moshuara.
