Trajneri i Aldershot në divizionin e pestë të futbollit anglez, Mark Molesley ka dhënë një intervistë tepër të çuditshme para ndeshjes së EF Ej Kap kundër Bromlej. Atij iu bënë pyetje normale në lidhje me këtë sfidë, por përgjigjet e tij ishin tërësisht jashtë logjike. Ai foli për një sërë gjërash, nga pinguinët deri te qentë japonezë që flisnin.
“Nëse një pemë bie dhe nëse askush nuk është aty për ta dëgjuar rënien, a bën zhurmë? A kanë ftohtë pinguinët? Miku im ka blerë një çantë dhe brenda mban katër qen japonezë që flasin. Këto janë pyetje që do të na bëhen, këto janë pyetje për të cilat duhet të kemi dhe një përgjigje”
Një intervistë që ka bërë xhiron e rrjeteve sociale, duke qënë se përgjigjet nuk kishin aspak lidhje me pyetjet e bëra nga gazetari i rrjetit televiziv, Sky.
