Lazio konfirmon edhe njëherë se varet nga Ciro Immobile. Trajneri Sarri i dha sërish një shans Vedat Muriqit në Kupën e Italisë ku bëri shumë ndryshime duke lënë Strakoshën dhe Hysajn në stol për disa të tjerë që nuk kanë luajtur shumë.
Në duelin ndaj Udineses në “Olimpico”, bardhekaltërit vuajtën ndaj një ekipi të mbyllur shumë mirë mbrapa dhe që nuk la shumë hapësira.
Edhe vetë Lazio nuk ishte e qartë përpara dhe ndeshja shkoi në shtesa për të zgjedhur ekipin që kualifikohet.
Trajneri Sarri vendosi të fuste Hysaj e gjithashtu edhe Immobile i cili pasi humbet një shans të pastër arrin të shënojë në 106’ duke i dhënë dhe avantazhin vendasve.
Goli rezulton deçiziv dhe Lazio shkon më tej në Kupën e Italisë ku do të luajë ndaj Milanit.
