Sara Hoxha ka festuar 26-vjetorin e lindjes. Ajo ka pritur ndërrimin e datës me anë të një feste madhështore e të veçantë, të ftuarit e së cilës ishin figura shumë të njohura për publikun shqiptar, si dhe miqtë më të ngushtë e familjarët e saj.
Në festë nuk munguan prezantueset e njohura Bora Zemani dhe Arbana Osmani. Aty ishte edhe opinionisti Arbër Hajdari me të fejuarën, sipërmarrësen Vlera Devolli, dizejnatori Valdrin Sahiti me bashkëshorten, Edita Ramadanin, Olsa Muhameti, Semi Jaupaj, Xhemi Shehu e të tjerë emra.
Ndërkohë, vëmendje shumë të madhe morën edhe performuesit të cilët kënduan gjatë festës. Bëhet fjalë pikërisht për Ermal Fejzullahun dhe Mozzik.
