Vjosa Osmani kujton ndarjen nga jeta të Skënderbeu: Kryestrateg dhe Heroi ynë kombëtar
Presidentja e Kosovës, Vjosa Osmani ka përkujtuar 554-vjetorin e ndarjes nga jeta të Heroit tonë Kombëtar, Gjergj Kastrioti Skënderbeu.
“Sot kujtojmë kryestrategun dhe heroin tonë kombëtar, Gjergj Kastrioti-Skënderbeu, i cili me përkushtimin e tij ndaj mbrojtjes së atdheut, mbrojtjes së vlerave kulturore e etnike të popullit të tij, por edhe me aleancat e fuqishme me popujt evropianë, e krijoi lidhjen e përhershme mes shqiptarëve, por edhe me popujt e qytetërimit perëndimor. Të përkulemi, Skënderbe!”, shkruan Osmani në një postim në FB.
