Ish-Kryeministri Sali Berisha nis sot serinë e takimeve në salla të mëdha me anëtarësinë e Partisë Demokratike. Takimi i parë do të zhvillohet në Shkodër, me demokratët e këtij qarku, ndërsa më pas takimet do të vijojnë në të gjithë vendin, në qendrat e qarqeve, por edhe në disa nga bashkitë kryesore të vendit.
Turi i takimeve me anëtarësinë është në kuadrin e riorganizimit dhe rithemelimit të Partisë Demokratike, në përputhje me vendimet e Kuvendit Kombëtar të 11 dhjetorit.
“Bashkë sjellim shpresëm dhe fitojmë” është slogani që do të shoqërojë takimet e ish-Kryeministrit Sali Berisha, i cili ka deklaruar se do të ketë një ndërthyerje mes takimeve masive, protestave dhe tryezave me grupet e interesit.
