Skënderbeu refuzon ofertën e parë nga Odense për Uerdi Marën. Skuadra që militon në Superligën daneze ka kërkuar të marrë në ekip yllin e korçarëve, por drejtuesit e klubit nuk e kanë pranuar ofertën e parë.
Odense ka ofruar rreth 100 mijë euro për Marën dhe i kanë lënë Skënderbeut 20% të kartonit në rast rishitje. Një shumë e tillë është konsideruar e ultë dhe është refuzuar nga drejtuesit e Skënderbeut pasi kërkojnë të paktën 300 mijë euro nga mesfushori.
Në ditët në vijim pritet të ketë një tjetër ofertë në adresë të skuadrës korçare pasi përveç Odense, në garë është edhe skuadra tjetër daneze, Araus që kërkon të firmosi me Marën.
