Banorët e zonës së “21 dhjetorit” në Tiranë shprehen kundër ndërtimit të pallateve shumëkatëshe në fushën e sportit. Tashmë hapësira është lënë e degraduar dhe familjarët e konsiderojnë një veprim të qëllimshme.
E gjithë zona ku do të ndërtohen pallate 11 katëshe tashmë ështe e rrthuar duke ofruar pamjen që shikoni në video.
Madje për të hyrë aty duhet të gjesh mënyra të tjera.
Pas lajmit të publikuar edhe banorët e zonës shprehen të shqetësuar.
Sipas tyre Veliaj jo vetëm po u shkatërron zonën që deri më tani është fushë sportive, por dhe do tu krijojë ndotje edhe më të lartë.
“E kam shtëpinë afër, do shembet dhe të na bëjë gjithë pluhur.”
“Veliaj i bën të gjithë gjërat në mënyrën më të padrejtë të mundshme.”
“Tirana është betonizuar, nuk ka vende ku të rinjtë të kalojnë kohën.”
“Nuk jemi dakord.”
Sipas projektit nga e gjithë kjo sipërfaqe do të mbetet rreth 2100 m2 hapësirë e gjelbërt dhe pjesa tjetër do të jenë mure të larta dhe asfalt.
