Një tjetër mesazh vjen nga Shtetet e Bashkuara të Amerikës, administrata e Presidentit Biden, pas atyre të përcjella nga zv/Ndihmës Sekretari i Shtetit për Evropën Jugore dhe Qendrore, Gabriel Escobar.
Ambasada Amerikane në Tiranë publikon sot një mesazh të fortë të Nën Sekretares së Shtetit për Çështjet Politike, Victoria Nuland.
Në një postim në “Facebook”, ambasada e SHBA citon zyrtaren e lartë amerikane, e cila thekson se “përparimi i vërtetë mund të ndodhë vetëm në një atmosferë të qetë, jo të përshkallëzuar”.
Dhe nëse këtë mesazh e përshtasim me situatën politike në Shqipëri, duket qartazi se administrata e Biden kërkon një situatë të qtë.
Mesazhi është i qartë me atë që vite më parë, përsëritej nga Romano Prodi “stabilitet, stabilitet, stabilitet”, që me pak fjalë mund të përkthehet në ruajtjen e një gjendjeve status quoje, në vendin me nivelin më të lartë të korrupsionit, me skandale të njëpasnjëshme që denoncohen publikisht, me një drejtësi e cila duket se është shumë larg pritshmërive jo vetëm të qytetarëve, për goditjen e korrupsionit në nivele të larta, dhe me një Kryeministër që po mbretëron i qetë, pavarësisht çdo skandali, ku rezultojnë të përfshirë ministra të tij.
