Lulzim Basha vijon provokimet dhe propagandën kundër demokratëve, që në 8 janar tentuan t´a nxjerrin nga zyra e Kryetarit të PD, për të zbatuar vendimet e Kuvendit Kombëtar të 11 dhjetorit dhe referendumit të anëtarësisë, që u mbajt me 18 dhjetor.
E ndërsa pamjet që bënë xhiron e botës tregojnë përdorimin e gazit apo mjeteve të tjera kundër protestuesve, të cilët për gati 45 minuta tentuan të hapin dyert e blinduara të selisë të vendosura me urdhër të Lulzim Bashës, ky i fundit vijon të flasë për mercenarë të ish-Kryeministrit Sali Berisha.
“Berisha dhe banda e tij dështuan me turp sepse demokratët i braktisën. Mbi rrënojat e dhunës së tij, PD po ngrihet çliruar nga mankthi dhe dhuna e së shkuarës, dhe e vendosur për tu ofruar gjithë shqiptarëve të ardhmen që meritojnë
Për fat të mirë në 8 janar nuk u derdh gjak, ashtu siç dëshironte dhe kishte planifikuar Berisha me një grusht kriminelësh. Ai personalisht e ndolli dhe frymëzoi vetë dhunen per javë me radhë, që kur deklaroi se PD nuk meritonte të ekzistojë nëse nuk e mbronte atë pas shpalljes nongrata për korrupsion.
Por Berisha dhe banda që ai mblodhi dhe përzgjodhi me kujdes, dështuan me turp sepse demokratët i braktisën. Ai nuk mban më dot peng as PD-në dhe as Shqipërinë. Mbi rrënojat e dhunës së tij, PD po ngrihet çliruar nga mankthi dhe dhuna e së shkuarës, dhe e vendosur për tu ofruar gjithë shqiptarëve të ardhmen që meritojnë”, thuhet në reagimin e zyrës së Lulzim Bashës.
