Kryeministri Edi Rama e ka nisur mëngjesin me urimin e tij për 109-vjetorin e krijimit të Policisë së Shtetit.
Në një postim në facebook, Rama shkruan “me përulje para kujtimit të dëshmorëve të saj si edhe respekt për të gjithë kontribuesit e saj, në këtë ditëlindje të Policisë së Shtetit”.
Policia e Shtetit është një nga strukturat më të keqpërdorura nga politika në 30 vitet e fundit. Rasti i fundit i keqpërdorjes së forcave të policisë ishte 8 janari, kur trupat speciale mësynë me gaz lotsjellës, ujë me presion dhe mjete të tjera, protestuesit demokratë, në oborrin e selisë së PD dhe më pas në rrugët pranë selisë së kësaj partie.
Dhe po kështu, Policia e Shtetit është keqpërdorur në pothuajse çdo protestë të qytetarëve ndaj qeverive, apo kur janë nxjerrë njerëzit nga banesat e tyre, për shkak të projekteve të ndryshme. Në vitet e fundit, Policia është përdorur si një mjet represioni, duke helmuar qytetarët me gaz, praktikë kjo që u shtri në masë gjatë kohës që drejtohej nga Ardi Veliu dhe ministër ishte Sandër Lleshaj.
