Spartak Braho ose siç njihet ndryshe si Baba Taku u shfaq në një prej mediave, por çuditërisht pa çantën e tij të zezë.
Shpesh Baba Taku del në media sa herë që ka përshtjellime dhe në varësi të pozicioneve politike i shërben individëve të caktuar. Kështu ka bërë vazhdimisht dhe së fundmi u shfaq për të komentuar zhvillimet në PD.
Këtë rradhë nuk preferoi të dilte me çantën e zezë, të cilën e përdori kohë më parë si shenjë presioni ndaj ish-deputetit të ndjerë, Dritan Prifti, por kishte vendosur të tregonte ëndrra. Më saktë nga ato çka deklaroi në studion e Top News, Braho ëndërron vrasjen e një deputeti.
“Mos të keni iluzion se nuk do të ketë dhunë. Do të ketë nga këta që edhe nuk përmbahen, nga të dhënat që kam unë mund të ketë edh vrasje. Një personalitet deputet, me inicialet…, rrezikon të vritet nesër. Berisha nuk bën dot pa gjak. E.A, të ruhet, këtë këshilli i jap të ruhet nesër. Janë situata që dalin nga kontrolli që dalin nga jashtë një shenjë duhet e dalin jashtë, edhe ai nuk e ka problem se e thotë si me Azem Hajdarin që nuk e vrava unë, por Izet Haxhia”, tha ai.
I pyetur se ku ka i ka këto informacione, Braho nuk dha detaje, por paralajmëroi deputetin që të ruajë krahët.
Nëse mund të ishte pak më i ri, Baba Taku mund të merrej seriozisht në deklaratat e tij, madje mund të thirrej edhe nga organet ligjzbatuese. Por mosha bën të vetën, dhe duket se kjo është arsyeja që edhe Edi Rama e largoi me lezet nga Kuvendi.
