Një 19-vjeçar është vënë në pranga nga policia e Shkodrës pasi akuzohet se ka përdhunuar një vajzë të mitur – 15 vjeçe.
“Nga specialistët e Seksionit të Hetimit të Krimit të Komisariatit të Policisë Shkodër u bë arrestimi në flagrancë për veprat penale ‘Marrëdhënie seksuale ose homoseksuale me dhunë me të mitur të moshës 14-18 vjeç’ dhe ‘Heqja e paligjshme e lirisë’ e shtetasit D. M., 19 vjeç banues në lagjen ‘Perlat Rexhepi’, Shkodër”, njoftoi policia.
Arrestimi i këtij shtetasi u bë pasi në Komisariatin e Policisë Shkodër ka bërë kallëzim një shtetase 15 vjeçe, e cila ka deklaruar se shtetasi D.M. e ka detyruar të kryejë marrëdhënie seksuale, pa dëshirën e saj, shtuan të njëjtat burime.
Materialet proceduriale i kaluan Prokurorisë pranë Gjykatës së Shkallës së Parë Shkodër, mbyllet njoftimi i bluve.
