Ish-kryeministri Sali Berisha ka përshëndetur lajmin e ngritjen së shtabit të Forcave Operacionale Speciale amerikane në Shqipëri, i njoftuar dje edhe nga kryeministri Edi Rama.
Për Berishën, bëhet fjalë për “një vendim me rëndësi thelbësore për paqen dhe sigurinë e Shqipërisë, rajonit dhe NATO-s”.
Berisha nuk shmang edhe në këtë rast sulmin ndaj kreut të qeverisë shqiptare. “Padyshim që anëtarësimi i Shqipërisë në Aleancën e Atlantikut të Veriut, kundër të cilit protestonte Edi Rama, është dhe faktori përcaktues që ka bërë të mundur marrjen e këtij vendimi”.
