Zlatan Ibrahimovic nuk doli i lumtur nga fusha pasi Rui Patricio i priti penallti… I nervozuar, por edhe i fyer…
Sapo përfundoi ndeshja mes Milanit dhe Romës. Kuqezinjtë mundën 3-1 skuadrën e Mourinhos me golat e shënuar nga Giroud, nga penalltia, Messias dhe Leao në pjesën e dytë.
Për kryeqytetatsit goli i momentit 2-1 i bërë nga Abrahami ishte i pavlefshëm.
Gara u karakterizua me një ritëm të madh që në minutat e hapjes. Ka pasur edhe disa grindje mes lojtarëve mes dy skuadrave, veçanërisht midis Karsdorp dhe Theo Hernandez.
Roma e mbylli ndeshjen me nëntë lojtarë për shkak të përjashtimit të holandezit dhe Mancinit.
Pas përjashtimit të Karsdorp, Ibrahimovic, i cili hyri pak minuta më parë, pësoi thirrje raciste nga disa ‘tifozë’ verdhekuq të pranishëm në San Siro.
Mourinho, me një gjest fantastik të lojës së ndershme, siç raporton ‘DAZN’, u ka bërë shenjë fansave të tij që të ndalojnë ofendimin e ish-lojtarit të tij në kohën e Interit.
Një gjest i bukur i Mourinhos për të zbutur tensionin e krijuar gjatë ndeshjes së sotme në Meazza. Trajnerit portugez tashmë do t’i duhet të mendojë për ndeshjen e së dielës ndaj Juventusit të Allegrit, ku do të duhet të bëjë edhe pa Mancinin dhe Karsdorpin.
Sakaq, koret ndaj Ibrahimovic duke e quajtur klloun vazhduan edhe pas ndeshjes, pasi disa lojtare kuqezi qendruan ne San Siro dhe bene disa vrapime duke qene se kishin luajtur pak./Telesport
