Një 38-vjeçar i shpallur në kërkim për vjedhje është arrestuar nga policia e Gjirokastrës ditën e sotme.
Shtetasi me inicialet V.G., akuzohet për veprën penale “Vjedhja” nga Drejtoria Vendore e Policisë Tiranë.
“Shërbimet e Komisariatit të Policisë Gjirokastër, bazuar dhe në informacionet e marra në rrugë policore se në lagjen ’18 Shtatori’, Gjirokastër, ndodhej një person i shpallur në kërkim, organizuan punën dhe bënë të mundur kapjen e shtetasit V.G., 38 vjeç, banues në Gjirokastër. Ky shtetas ishte shpallur në kërkim nga Drejtoria Vendore e Policisë Tiranë, për veprën penale ‘Vjedhja’ e kryer në bashkëpunim, në bazë të urdhrit të ndalimit të lëshuar nga Prokuroria pranë Gjykatës së Shkallës së Parë Tiranë. Shtetasi V.G. iu dorëzua Drejtorisë Vendore të Policisë Tiranë, për veprime të mëtejshme”, njoftoi policia.
