Para hyrjes në “Big Brother VIP”, banorët i kanë lënë faqjet e tyre në rrjete sociale në menaxhim të dikujt, qoftë nga familja, shoqëria apo persona të tjerë.
Postimet dhe shkrimet në faqen e Instagramit të Beatrix kanë shkaktuar debat në rrjet shpeshherë. E njëjta gjë ndodhi dhe së fundmi kur në faqjen e Trixës u postua një status që mbronte këngëtaren pas fjalëve të opinionistes Balina Bodinaku, e cila i tha se duket sikur ka hyrë brenda shtëpisë për Donaldin dhe nuk po luan.
Ajo që tërhoqi vëmendjen e të gjithëve ishte një koment nga modelja e njohur Elena Lika, e cila zbuloi se është ajo që menaxhon Instagramin e Trixës.
“Shkrimet dhe qëndrimet që lexoni tek faqja e Trixës i shkruaj unë ndaj kush do të shajë le të kalojë tek profili im dhe lëreni Antigonën dhe Albanin rehat”, shkruan Elena.
