Asamblea Komunale e Prishtinës po zhvillon raundin e dytë për zgjedhjen e Kryetarit të saj, ndërsa në raundin e parë morën pjesë 25 këshilltarë, të cilët votuan pro kandidaturës së Fehmi Kupinës, të propozuar nga LDK.
Kryetari i Prishtinës, Përparim Rama, ka treguar se procesi për bërjen e shumicës në asamblenë komunale është duke vazhduar.
Ai në një prononcim para mediave, ka theksuar se është përgjegjësi e tij dhe asambleistëve që të kthehet besimi, njofton Klankosova.tv.
“I kam bërë thirrje të gjitha partive dhe qytetarëve që të na bashkohen dhe ta krijojmë partneritetin që t’i ndajmë përgjegjësitë për të mirën e qytetarëve. Na duhet shumica dhe jemi në proces që ta bëjmë atë. Kemi një pozitivitet në këtë aspekt”, është shprehur Rama.
“Është përgjegjësi e imja dhe asambleistëve që t’ua kthejmë të mirën qytetarëve”.
Fehmi Kupina është propozuar nga LDK për kryesues të Asamblesë Komunale në Prishtinë.
Ai është propozuar nga grupi i asamblesitëve të LDK-së, pasi që prej kësaj te drejte kanë hequr dorë Lëvizja Vetëvendosje si grupi më i madh në asamble.
Pas propozimit të Kupinës, asamblesitët e AAK-së, u larguan nga salla, duke bojkotuar votimin.
