Ka nisur me shtyrje procesi i rigjykimit në Apelin e Posaçëm ndaj ish-ministrit të Brendshëm Saimir Tahiri, i cili do të gjykohet nga një trupë e zgjedhur nga Gjykatat e Apelit, pas dorëheqjes së gjyqtarëve të GJKKO.
Seanca është shtyrë për në datën 17 janar ora 11:00, për shkak se gjyqtari Florian Kalaja kërkoi kohë për t’u njohur me dosjen.
Disa javë pasi Gjykata e Lartë zbardhi vendimin, dosja në ngarkim të ish-ministrit të Brendshëm Saimir Tahiri dhe Jaeld Çelës u regjistrua në Gjykatën e Posaçme të Apelit për Korrupsionin dhe Krimin e Organizuar.
Gjykata e Lartë vendosi rikthimin e çështjes për shqyrtim tek një trupë tjetër e Gjykatës së Posaçme me argumentin se gjatë procesit kundër Saimir Tahirit ka pasur shkelje procedurale.
Gjykata e Lartë thekson se prokuroria u dha fakteve penale cilësim të ndryshëm nga akuza dhe se nuk i dha mundësinë ish-ministrit të mbrohej për akuzën e shpërdorimit të detyrës që u dënua me 5 vite burg i konvertuar në 3.4 vite shërbim prove.
SPAK e akuzoi për trafik droge, por gjykata ish-ministrin e Brendshëm e dënoi vetëm për shpërdorim detyre, ndërsa me prishjen e vendimit nga Gjykata e Lartë, dosja u rikthye edhe njëherë në Apel.
Lexo edhe:
Tahiri mbërrin në GJKKO, kush janë 3 gjyqtarët e deleguar që do gjykojnë ish-ministrin
