Donald Veshaj pati mundësinë të dilte nga shtëpia e ‘’Big Brother Vip’’ për të intervistuar Arbana Osmanin.
E pyetur nga Donaldi, Arbana Osmani u ndal edhe tek marrëdhënia e saj me regjisorin Eduard Grishaj. Moderatorja tregoi se çfarë i pëlqen më së shumi tek partneri i saj, për çfarë e kritikon ai dhe se kush do ta rrëmbente fitoren nëse të dy do të ishin finalistë të ”Big Brother Vip”
Pjesë nga intervista:
Çfarë nuk të pëlqen tek Eduardi?
Çfarë nuk më pëlqen, ai i pëlqen të gjithëve, është njeri i rrallë. Nuk ka asgjë që s’më pëlqen tek Eduardi.
Për çfarë të kritikon më shumë Edi?
Ja një gjë që s’më pëlqen tek Edi. Edi mendon që unë jam e parregullt, neglizhente për gjobat që marr kur parkoj keq. Në fakt nuk duhet të mërzitet sepse unë i paguaj ato (qesh).
Nëse do të ishit banorë të ‘’Big Brother Vip’’ dhe të dy shkoni në finale, kush do ta fitonte?
Mendoj që unë do të isha më e lezetshme por do ta fitonte ai.
