Një vajzë e re është plagosur me armë zjarri brenda një hoteli në aksin Tiranë-Durrës këtë të Hënë.
E plagosura raportohet se ndodhet jashtë rrezikut pë jetën.
Autori i dyshuar është identifikuar dhe është shpallur në kërkim.
“Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi F.D, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën”, njoftoi policia.
“Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale. Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes”, shtuan të njëjtat burime.
Lexo edhe:
U qëllua me armë nga i dashuri/ Detajet e ngjarjes brenda dhomës së hotelit
