Këngëtarja Dafina Zeqiri para se të publikonte albumin bëri një premtim publik se të gjitha paratë që do të mblidhen nga “Dafinë Moj” do të shkojnë për Shoqatën e Autizmit.
Së fundmi, Dafina ka njoftuar se paratë u dërguan në vendin e duhur dhe se nga këto mjete do të ofrohen edhe dy mijë orë shërbime multidisiplinare falas. Këtë e ka bërë të ditur në një njoftim të shpërndarë me fansat në InstaStory.
“Sot vizituam shoqatën Autizmi. Ku përveç që kaluam çaste të bukura duke kënduar dhe vallëzuar me fëmijët e shoqatës ashtu siç edhe kemi premtuar dorëzuam mjetet nga shitja e albumit “Dafinë Moj”.
Nga mjetet e mbledhura do të ofrohen dy mijë orë shërbime multidisiplinare – falas për raste sociale që trajtohen në shoqatë. Kjo është nisma jonë për një kauzë kaq të madhe”, ka thënë ajo.
“Dafinë Moj” u lancua më 1 tetor 2021 dhe përmban gjithsej 14 këngë. Në mesin e tyre përfshihen edhe bashkëpunimet me Butën, Argjentina Ramosajn, Tunën, Elinel, Lyrical Son etj.
