Analisti Ilir Kalemaj, i ftuar në MCN, u shpreh se harta e re gjyqësorë nuk do të zgjidhë asgjë. Kalemaj u shpreh skeptik në lidhje me hartën gjyqësore, duke thënë se ajo do të dështojë dhe sipas tij 5 vitet e provës së propozuar dhe rikthimin sërish në hartën e vjetër është kosto për xhepat e shqiptarëve.
Një problematikë kryesore e hartës së re gjyqësore sipas Kalemajt është se numri i çështjeve në gjykatë të lartë për shqyrtim është shumë i lartë dhe për këtë duhet gati 10 vite dhe kjo do të vononte drejtësinë e kërkuar nga qytetarët.
Në lidhje me vettingun, Kalemaj tha se hetimi i gjyqtarëve nga shkalla më lartë në atë më të ulët ka sjellë kakofoni, pasi sipas tij gjyqtarët në shkallët e ulëta të gjyqësorit janë pasuruar gjatë periudhës para-vetting.
“Për inceneratorët Kraja tha se po hetohet për 3 inceneratorët, Elbasanit, Fierit dhe Tiranës. Në inceneratorin e Fierit i cili ka kushtuar 30 mln euro, nuk ka filluar ende nga puna dhe sot nuk është dita e raportimin pasi nuk ka ende informacion. Megjithatë nuk prisnim që Kraja të bënte deklaratë bombë apo të përmendte emra, por prisnim informacion për dosjet.
Mënyra si u konceptua reforma në drejtësi nga lart poshtë krijoi një vakum të paprecedentë. Fakti që u miratua me aq vota të deputetëve e bënë atë të paprecedentë.
Përsa i përket hartës së re, ajo nuk zgjidh asgjë. Problemi nuk janë godinat por nr i gjyqtarëve. Gjatë këtyre viteve këshilltarët me 1 vit magjistraturë janë bërë gjyqtarë. Ata janë në gjendje të zëvendësojnë gjyqtarët. Harta e re do të jetë për 5 vjet nëse nuk funksionon do ti kthehen të vjetrës, por këto janë kosto me taksa të shqiptarëve. Duhet të kemi një reformë që nuk zhbëhen nga kush është në pushtet.
Një nga problemet e vettingut është se ata që janë në shkallët e ulëta të gjyqësorit nuk kanë dalë ende në vetting dhe gjatë kësaj periudhe i kanë dhënë gaz dhe janë pasuruar me korruptime. Vettingu ka 6 vjet dhe ende s’po shohim dritë në fund të tunelit. Kjo gjë ka shkaktuar këtë kakafoni.
Mbi 95% e atyre që u pezulluan nga vettingu janë pezulluar vetëm nga një kriter, atë të pasurisë, pa dalë në kriteret e tjera. Kjo sjell pasoja si procedim penal I tyre, që ne nuk kemi parë diçka të tillë madje kemi parë rehabilitime të tyre në zyra avokatie, duke shijuar milonat e tyre.
Kemi dhe një pjesë që janë pezulluar pasi nuk kanë poseduar faturat për të justifikuar pasuritë, ata janë pezulluar dhe pse janë të aftë. Por një pjesë e tyre mund të ketë pasur pasurinë prej punës në emigrim, pa dashur të justifikojë.
Një nga problematikat kryesore të hartës së re gjyqsore janë çështjet që janë në gjykatë të lartë që duhet 10 vite të shqyrtohen dhe a do arrijnë qytetarët të marrin drejtësinë? Nuk e kuptoj logjikën të jenë funksionale gjykatat që nuk do të jenë të tilla por si kancelari ku të dorëzojnë dokumentet, kjo nuk është funksionale dhe nuk ndihmon qytetarët dhe rrit kostot e qytetarëve dhe kjo do të dështojë ne kemi një varfëri dhe nuk mund të përballohet një ‘pseudo reformë që do të vështirësonte kostot e tyre’”, u shpreh Kalemaj.
