Një aksident është shënuar sot në mesditë tek sheshi “Nënë Tereza”.
“Rreth orës 12:50, janë përfshirë në një aksident mjeti me drejtues shtetasin B. L., 32 vjeç, me motomjetin me drejtues shtetasin D. S., 26 vjeç. Si pasojë e aksidentit është dëmtuar drejtuesi i motomjetit, i cili ndodhet në spital nën kujdesin e mjekëve, jashtë rrezikut për jetën”, informoi policia e Tiranës.
Grupi hetimor ndodhet në vendngjarje dhe po punon për sqarimin e rrethave të aksidentit, shtuan të njëjtat burime.
