Ermela Mezuraj, fituesja e “BB4”, ka komentuar me tone negative një nga pretendentët për të fituar “Big Brother VIP”, Ilir Shaqirin.
“Për mua është një skile e vjetër, që fut hundët gjithandej dhe s’mbaj mend të ketë bërë diçka me vlerë që unë mund ta kujtoj. Për mua është thjesht personazhi negativ në atë lojë”, tha ajo.
Ermela shprehu simpatinë e saj për Einxhel Shkirën, duke u shprehur se në momentin që ajo hyri, unë thashë më në fund hyri fituesja. Anaid Kaloti gjatë bisedës i evidentoi fakti se ajo është fanse e Einxhelit dhe për këtë arsye e mbron, por Ermela këmbënguli se e sheh si lojtare të fortë.
