Policia gjermane ka ndaluar tre shtetas nga Kosova që po verifikohen në lidhje me sulmet në Bruksel. Rai 3 ka raportuar se arrestimi i të dyshuarve është bërë në autostradën Monaco-Salsburg.
Ndërsa sipas informacioneve të ARD-Magazin, “Report München” dhe BR-Hörfunks tre personat dyshohet se janë të lidhur me rrjetin e terrorizmit dhe përgatisnin sulme në Gjermani. Fatmirësisht ata janë arrestuar para pak orësh, në magjistralen A8 pranë Rosenheim.
Deri tani autoritetet nuk japin informacione nëse ata janë të lidhur me atentatorët e Brukselit. Por treshja kanë punuar më parë në një firmë ndërtimi në Belgjikë, duke shtuar dyshimet të ketë lidhje mes tyre.
Momentalisht të dyshuarit janë dërguar drejt Prokurorisë së Mynhenit, me pretekstin “për prishjen e rendit publik dhe si të rrezikshëm për sigurinë shtetërore”. Nesër do vendoset edhe për fatin e paraburgimit.
(Boldnews)
